Monday, May 20, 2013

.. සීතල වැස්සක් ..

වහිනවා .. 
සීතලම සීතල වැස්සක්  

නවතින්නෙම නෑ .. 

තුත්තිරි ගස්
ගං වතුරෙන් වැහිලා ගිහින් ..
එහෙන් මෙහෙන් පුංචි පුංචි
දිය පාරවල්
හැම තැනම ..

අකීකරු සිතුවිළි වගෙයි ..
ඇරඹුමක් .. අවසානයක් නෑ ..

සීතල වැස්සෙන්
නෙත ඉවතට ගත්තත්
හිත තාම එතනමයි ..

එකමත් එක දවසක
මේ වගේම සීතල වැස්සක
දඟ කර කර
ඔයත් එක්ක ගියපු හැටි
මතක් වෙලා ..

මගෙ හිත
වැහි වතුරත් එක්ක
සෙල්ලම් කරනවා ..

හීගඩු පිපෙන සීතල
මතක් කරලා දෙනවා
ආදරේ උණුසුම ..

ඔයාට තරම් ම නැති වුණාට
වැස්සටත් මං ආදරෙයි .

No comments:

Post a Comment